您的位置: 首頁 > 資訊頻道 > 裝修新聞 > 直擊公屋裝修 兩大裝修甩轆位

直擊公屋裝修 兩大裝修甩轆位

發布時間:2016-10-11  來源:  瀏覽量:
 


【直擊公屋裝修】笑到有腹肌!兩大裝修甩轆位

 

公屋裝修黎講,無超支、無延誤、望落靚靚仔仔、仲有啲啲似私樓,所以11萬銀聽落都幾抵,業主都畀到到八分,算高分。不過,裝修難十全十美,今次就因為啲細節同用料瑕疵,就無咗果兩分。

 

響間屋四圍游走,望真啲、拉吓櫃、摸兩摸,會見到油漆明顯油歪咗些少、收口位唧膠唔夠靚仔,距離新地、太古一類高質私樓收樓標準有幾分距離。

整體黎講,間屋有兩個比較大嘅粗心大意或者唔貼心。


第一,地台床尾、細窗側邊有個凹位,安裝咗一組組合櫃。回帶到六月中,裝修師傅上到間屋,指住個凹位話,「呢啲電掣(穿)過返個櫃出黎,畀你部電視機用。」

去到八月初入伙當日,個組合櫃下邊有塊櫃門畀塊電視層板檔住咗,變咗一塊開唔到嘅櫃門,變咗電線過唔到。最終裝修公司響櫃門度開窿穿線出黎,咁電視機先有電用,但個櫃門始終開唔到。


第二,地台床頭板,前邊裝咗三塊軟墊,不過一拉隔離個趟櫃出黎,個櫃角會磨到塊軟墊,發出「滋滋」聲,所以住戶一定要先扯開塊軟墊,再拉出趟櫃。如果體貼啲,將床頭板磨返薄啲,就唔會出現呢個問題。


                                                 

組合櫃其中一隻櫃門被電視                                                        最終裝修公司將櫃                                                                        冷氣機喉管經過睡房穿出客飯廳,

 層板阻檔,無法正常開啟                                                         門開窿走電線                                                                            油漆油啲唔油啲,略嫌礙眼

 

原文連結: http://hk.apple.nextmedia.com/realtime/finance/20160930/55711135

(以上圖片均來自網路,如有任何版權問題,請與本站聯絡)

 

 

 

用戶名
密  碼
忘記密碼