您的位置: 首頁 > 資訊頻道 > 裝修新聞 > 屋企裝修竟被索償

屋企裝修竟被索償

發布時間:2016-11-07  來源:  瀏覽量:
 

【樓宇法律】屋企裝修竟被索償

news_7.jpg

 

now.com地產】好多業主,都鍾意將屋企三年一小修,十年一大修。

 

進行大裝修嘅話,少不免拆牆換窗,飛沙走石,大攪幾個月;但係小心,大裝修之餘,分分鐘會惹來官司。

 

筆者以一個幾年前嘅案例(Wong Tai Tak Belinda v. Smarts Team International Investment Ltd.)作為參考。

 

喺又一村又一居嘅一個三樓業主,控告樓上四樓嘅業主裝修單位時,因工程太猛烈,特別係打向地台嘅震盪力,攪到佢樓下嘅屋企十幾廿處嘅天花、牆壁都產生裂痕。四樓業主當然否認,雙方於是鬧上法庭。

 

法官要求控辯雙方提交專家報告。專家各為其主,當然公說公有理,婆說婆有理。最後,法官判三樓業主得直。原因係四樓嘅業主同埋佢聘用嘅裝修公司,係唔會唔預計得到,咁猛烈嘅裝修工程,一定會對隔離左右構成損害。

 

喺民事官司,法官判案,係唔需要絕對嘅證據,只須衡量各方面嘅可能性(on balance of probabilities),就可以頒下判辭。

 

結果,四樓業主要賠畀三樓業主維修費、維修期間三樓業主要搬去酒店暫住嘅住宿費,同埋個專家費用。

 

香港測量師學會會長陳家欣

 

 

原文連結: http://property.now.com/news/article/273697

(以上圖片均來自網路,如有任何版權問題,請與本站聯絡)

 

用戶名
密  碼
忘記密碼